Kahapon lamang
Yakap yakap kita
Ni hindi mabitiwan
Dahil napaka liit mo pa!
Ngayon sa isang iglap
Tatakbo takbo ka na
At minsan sa bilis mo
Ako'y napapa-buntong hininga!
Kahapon lamang,
Munting sanggol ka pa.
Ngumingiti, humagikgik
Na tila lahat ng tao'y
Walang mga pangamba!
Bukas, ano kaya?
Bukas, paano ka?
Bukas, saan ka dadalhin
ng iyong mga munting paa?
Marinig ko pa kaya ang yabag ng mga mahiwagang mong paa?
NanayniLuigi2014
TinaClareteBosotti
No comments:
Post a Comment
thanks for taking time to read my posts